Il-President Ukren Volodymyr Zelensky, f’indirizz li ta lbieraħ filgħaxija fuq il-midja soċjali, iddeskriva lill-ġurnalist Ukren li tilef ħajtu lbieraħ bħala “Raġel patrijottiku u sinċier”.
Huwa kompla jgħid li kemm din il-vittma kif ukoll l-eroj l-oħra li ssagrifikaw ħajjithom għall-Ukrajna, mhu se jintesew qatt mill-Ukreni.
Il-vittma, Oleksandr Makhov, li tilef ħajtu fl-età ta’ 36 sena, kien qed jiddefendi lil pajjiżu waqt battalji li saru fl-inħawi tal-belt ta’ Izyum — fir-reġjun ta’ Kharkiv. Dan ħabbru Zelensky.
