Il-Gvern se jibqa’ jkun ta’ sostenn għall-professjonisti fil-qasam tas-saħħa. Għajb għal dawk li, b’gideb, bi kliem u aġir bla ġieħ, ippruvaw jinqdew bil-mewt naturali ta’ persuna biex joħolqu mewġa ta’ rabja u żeblieħ kontra s-servizzi tas-saħħa. Dawn nies bla skruplu u li ma jafux jistħu.
Dan kien il-messaġġ li wassal il-Ministru għas-Saħħa u l-Anzjanità Attiva fuq Facebook, fejn sostna li għall-isfidi se jiġu rrisponduti b’riformi u investiment fid-Dipartiment tal-Emerġenza.
Tenna li l-pubbliku għandu jserraħ rasu li s-servizz tas-saħħa kien, għadu u ser jibqa’ tal-ogħla kwalità.