| Hekk kif jonqos ftit iktar minn xahar għas-serata finali tal-edizzjoni ta’ din is-sena tal-Għażliet Sportivi Nazzjonali, il-Kumitat Eżekuttiv tal-Għaqda Ġurnalisti Sports jinforma li s-semi finalisti li għamluha fil-lista tal-aħħar għaxra f’kull kategorija se jkunu qed jitħabbru nhar il-Ħadd fuq TVMsport+ waqt il-programm SportLive+. Il-Kategoriji li se jitħabbru s-semi finalisti fihom huma dawn: L-Isportiv tas-Sena L-Isportiva tas-Sena It-Tim tas-Sena L-Uffiċjal / Amministratur tas-Sena Il-Kowċ tas-Sena L-Atleta Żagħżugħ tas-Sena – U17 L-Atleta Żagħżugħa tas-Sena – U17 People’s Choice Award Ma’ dawn il-kategorija hemm kategoriji li l-proċess tal-għażla tagħhom hija differenti. Dawn il-kategoriji l-oħra huma dawn: Rikonoxximent : L-Avveniment Internazzjonali tas-Sena organizzat f’Malta Rikonoxximent : Atleti b’Abbiltajiet Differenti Special Olympics Mara Rikonoxximent : Atleti b’Abbiltajiet Differenti Special Olympics Raġel ‘Sport for Social Change Award’ It-tħabbira tal-għaxar semi finalisti fis-seba’ kategoriji tradizzjonali tal-Għażliet Sportivi Nazzjonali se ssir mill-Presidnet tal-Għaqda Ġurnalisti Sports Sandro Micallef fis-18:00hrs fuq TVMsport+ li huwa aċessibli fuq Channel 110 fuq is-servizz tal-Melita u Channel 107 fuq is-servizz tal-GO. |
Il-Ħadd jitħabbru s-semifinalisti tal-Għażliet Sportivi Nazzjonali
