Fi stqarrija l-pulizija qalu li kienu ġew informati li kien għadu kemm intlemaħ kadavru mal-blat fil-baħar fl-inħawi tal-Qolla l-Bajda, fil-limiti taż-Żebbuġ, Għawdex.
Fuq din l-informazzjoni, il-Pulizija minnufih marret fuq il-post u talbet l-assistenza tad-Dipartiment tal-Protezzjoni Ċivili, li minn naħa tagħhom marru fuq il-post u tellgħu l-kadavru għal fuq l-art.
Minn investigazzjonijiet li saru, irriżulta li l-ġisem x’aktarx huwa ta’ raġel però sa issa mhux identifikat.
Il-Maġistrat tal-Għassa Dr Brigette Sultana LL.D ġiet infurmata bil-każ u ħatret inkjesta, filwaqt li mistennija ssir awtopsja fuq il-kadavru sabiex tiġi stabbilità l-identità u l-kawża tal-mewt.
L-investigazzjonjieti tal-Pulizija dwar dan il-każ għadhom għaddejjin.
Aktar kmieni: Jinstab katavru fi stat qawwi ta’ dekompożizzjoni f’Marsalforn
Kien għall-ħabta ta’ nofsinhar meta qrib sew it-Torri ta’ Marsalforn intlemaħ katavru fi stat qawwi ta dekompożizzjoni. Jirriżulta li l-katavru kien jinsab imwaħħal taħt blata li hemm fl-inħawi.
L-ewwel indikazzjonijiet jidher li l-katavru hu ta’ raġel.
Fuq il-post hemm uffiċjali tal-pulizija, uffiċjali tal-Protezzjoni Ċivili u anke tim mediku mill-Isptar Ġenerali t’Għawdex.
Dwar dan il-każ infetħet inkjesta.
Aktar informazzjoni kif taslilna…