Għada se ssir l-Ivanhoe Cup, kompetizzjoni organizzata mill-Malta Polo Club fejn tliet timijiet se jkunu qed jieħdu sehem.
Fil-fatt Royal Artillery, Mariners u Mixed Bag se jkunu qed jikkompetu sabiex wieħed minnhom jirbaħ din it-tazza ferm prestiġġjuża.
Royal Artillery se jkunu magħmula minn Chris Delia, Mark Darmanin, Sarah Manduca u Petra Vella filwaqt li Mariners se jkollhom lil Simon Psaila, Jean Vella, Luke Antonio Gatt Pace u Max Galea. Finalment Greg Gera, Bex Gera, Ivan Camilleri u Emma Aquilina se jiffurmaw Team Mixed Bag.
L-Umpires għal din il-kompetizzjoni se jkunu Gastron Etcheberry u Jeremy Besanscon bit-tielet uffiċjal li se jkun Philip Wismayer. It-Throw-in se ssir fl-għaxra ta’ filgħodu bil-preżentazzjoni li hi skedata għall-ħin ta’ nofsinhar. Din l-attivita’ se ssir bl-appoġġ ta’ EquestriMalta.
