Fit-2 t’April 2022, MaltaPost se toħroġ bolla f’miniature sheet biex tfakkar iż-żjara tal-Papa Frangisku ġewwa Malta.
Dan tħabbar mill-Uffiċċju tas-Santa Sede fil-Festa tan-Nawfraġju ta’ San Pawl, bil-kliem “Urewna tjubija liema bħalha” waqt li rreferew għall-ospitalita` li biha ġie milqugħ l-Appostlu San Pawl fis-sena AD 60 meta x-xini li bih kien qed jivvjaġġa nkalja fl-ibħra Maltin, kif ukoll għall-dawk l-immigranti li jidħlu fil- Meditterran b’tama għall-futur aħjar.
Il-bolla fil-miniature sheet hija ta’ daqs 31mm x 44mm, b’perforazzjoni ta’ 13.9 x 14.0 u għandha watermark bis-salib ta’ Malta. Il-miniature sheet hija ta’ daqs 120mm x 80mm u ġiet pprintjata minn Printex Limited bi proċess offset. Il-ħarġa li hija ddisinjata mill-MaltaPost tikkonsisti fi 30,000 miniature sheet tal- €5.00.
L-istess miniature sheet se tkun qed tiġi riprodotta fuq plakka tal-metall fuq stand sewda tal-bellus.
Din il-ħarġa filatelika se tkun għall-bejgħ mill-Fergħat Postali f’Malta u Għawdex minn nhar is-Sibt 2 t’April 2022. Ordnijiet jistgħu jsiru online fuq www.maltaphilately.com jew bil-posta mill-Philatelic Bureau, MaltaPost p.l.c. 305, Triq Ħal Qormi, Marsa, MTP 1001 – Telephone 2596 1740 – e-mail: [email protected]
