Il-maratona taċ-Ċina, li kellha ssir f’Beijng, ġiet posposta fost żieda qawwija fl-infezzjonijiet tal-coronavirus.
L-ogħla uffiċjal tas-saħħa tal-pajjiż wissa li tifqigħa ġdida ta’ każijiet mistennija tinfirex aktar.
Iċ-Ċina rrappurtat aktar minn 133 każ f’11-il provinċja s’issa. Kollha ġew marbuta mal-varjant Delta li huwa trażmissibbli ħafna.
L-aħħar żieda qawwija hija meqjusa bħala l-akbar tifqigħa fil-pajjiż minn Nanjing f’Awwissu li għadda.
Dan il-każ qajjem tħassib dwar l-abbiltà taċ-Ċina li żżomm l-approċċ tagħha ta’ tolleranza żero għall-virus, speċjalment qabel l-Olimpjadi tax-Xitwa tal-2022.
Tradizzjonalment, it-tellieqa tibda fi Pjazza Tiananmen u tispiċċa fi Pjazza Ċelebrazzjoni fil-Park Olimpiku ta’ Beijing.
Madwar 30,000 persuna kienu mistennija jieħdu sehem fil-maratona, li kienet skedata li ssir fil-31 ta’ Ottubru.
L-organizzaturi tal-maratona qalu li kienet qed tikkanċella l-avveniment “sabiex jipprevjenu r-riskju li l-epidemija tinfirex (u) tipproteġi b’mod effettiv is-saħħa u s-sigurtà tal-maġġoranza tar-runners, l-istaff u r-residenti.”
L-aħħar żieda qawwija huwa maħsub li nxterdet minn gruppi turistiċi lokali li żaru provinċji u bliet oħra.
