Il-Mexxej tal-provinċja Russa ta’ Belgorod, Vyacheslav Gladkov, iktar kmieni dalgħodu fuq il-midja soċjali ddikjara li l-Ukreni huma responsabbli għall-attakk li seħħ fil-villaġġ ta’ Golovchino — villaġġ qrib il-fruntiera li hemm bejn ir-Russja u l-Ukrajna.
Huwa kompla jgħid li f’dan l-attakk indarab wieħed mir-residenti tal-villaġġ.
S’issa għad m’hemmx evidenza li turi jekk dan l-attakk fuq il-villaġġ ta’ Golovchino sarx permezz tal-artillerija, missili jew jekk kienx attakk mill-ajru.
