Minn MELVIN FARRUGIA
Il-Montenegro żied il-lista ta’ pajjiżi minn fejn jistgħu jmorru turisti biex iżuru dan il-pajjiż. Din il-lista issa tinkludi lil Malta, flimkien ma’ Ċipru u l-Irlanda.
Min-naħa l-oħra, is-Serbja għadha mhix inkluża f’din il-lista l-ġdida.
L-organu nazzjonali li qiegħed jikkoordina l-ġlieda kontra l-Coronavirus fil-Montenegro kien diġà qal li se jaġġorna din il-lista darba fil-ġimgħa.
Fir-rigward tas-Serbi li għandu l-kumpaniji tagħhom fil-Montenegro, l-ambaxxatur għas-Serbja qal li dawn jistgħu jidħlu fil-pajjiż jekk jobdu ċerta kundizzjonijiet, fosthom li jiżolaw ruħhom.