Il-Papa Franġisku jiddeskrivi lilu nnifsu bħala “persuna pessimista” fil-konfront tal-gwerra Russo-Ukrajna. Dan stqarru waqt intervista li kellu mal-midja Taljana “Corriere della Sera”, fejn sostna li hemm nuqqas ta’ rieda għall-paċi.
Huwa kompla jgħid li meta ltaqa’ mal-Prim Ministru Ungeriż, Viktor Orban, dan għarrfu li r-Russi “għandhom pjan” u li “kollox se jiġi fi tmiemu” fid-9 ta’ Mejju.
Id-9 ta’ Mejju hija Jum il-Vitorja fir-Russja — data importanti li fiha r-Russja tiċċelebra r-rebħa fuq il-Ġermanija Nazista fit-Tieni Gwerra Dinjija.
