Il-partitarji ta’ Manchester United qed jagħmlu talba lill-club biex ikeċċu lill-attakkant internazzjonali Olandiż, Wout Weghorst.
Dan minħabba li qabel il-partita kontra Liverpool ta’ nhar il-Ħadd li għadda huwa deher imiss l-inkwatru bl-arma ta’ Liverpool li hemm fit-tunnel qabel ma l-players jidħlu fil-ground.
Din hija użanza fil-kultura tal-club li l-players tar-Reds imissu dan l-inkwatru bħala omaġġ u rispett lejn il-club. Weghorst innifsu stqarr li meta kien żgħir kien partitarju ferventi ta’ Liverpool u minn dejjem xtaq jilgħab magħhom … liema kummenti xejn ma niżlu tajjeb mal-partitarji tal-United.
