Il-Parlament Ewropew approva n-nominazzjonijiet ta’ Lefteris Christoforou għal Ċipru u George Marius Hyzler għal Malta għall-Qorti Ewropea tal-Awdituri.
Is-Sur Hyzler kien appoġġjat minn 551 vot favur, 45 vot kontra u 33 astensjoni, is-Sur Christoforou bi 549 vot favur, 69 kontra u 11-il astensjoni.
Il-mandati ta’ sitt snin tal-membri attwali Maltin u Ċiprijotti tal-Qorti Ewropea tal-Awdituri jispiċċaw fit-30 ta’ Settembru u l-1 ta’ Novembru rispettivament din is-sena.
Id-deċiżjoni finali dwar dawn il-ħatriet trid tittieħed mill-Istati Membri tal-UE.
