Il-Partit Laburista jsellem il-memorja tat-tabib Daniel Micallef, eks Speaker u eks Ministru Laburista.
Micallef jibqa’ mfakkar kif tul ħajtu sawwar prinċipji soċjalisti b’saħħithom tal-Partit u baqa’ dejjem viċin in-nies.
Huwa kien ukoll strumentali f’temi importanti f’pajjiżna bħall-ambjent. Huwa serva wkoll ta’ Aġent President u Ambaxxatur ta’ Malta għall-Vatikan. Kien ukoll membru attiv fil-Kunsill tal-Ewropa fejn okkupa l-kariga ta’ Viċi President tal-Assemblea Ewropea.
Il-Partit Laburista jibgħat il-kondoljanzi sinċiera lid-Deputat Mexxej għall-Affarijiet tal-Partit, Daniel Micallef u dawk l-aktar qrib tiegħu.
