Il-Partit Nazzjonalista qal li huwa Partit magħqud, mimli enerġija u talent, lest biex jgħaqqad pajjiż biex kulħadd jilħaq l-aspirazzjonijiet tiegħu.
Fi stqarrija l-PN qal: “Robert Abela, ftit jiem wara li rema lill-kandidati tal-ħames distrett minħabba l-piki personali tiegħu, qed jipprova jara ma xhiex se jaqbad biex idawwar l-attenzjoni minn fuqu.”
Il-PN qal li l-Partit Laburista se jkompli jiffoka fuq il-passat minflok il-futur.
Temm jgħid li għall-kuntrarju tagħhom, “min-naħa l-oħra għandna Gvern Laburista li dgħajjef l-ekonomija billi pproteġa l-kriminali fi ħdan il-partit tiegħu.”
