Ftit tal-ħin ilu fis-sala tal-Għadd tal-Voti fin-Naxxar kien hemm il-Prim Ministru u mexxej tal-Partit Laburista Dr Robert Abela fejn qal li għal darb’oħra l-poplu wera fiduċja fil-PL u fil-Gvern.
Qal li l-poplu jifhem li bil-Partit Laburista fil-Gvern jista’ joffri soluzzjonijiet għall-isfidi li hawn kemm lokali kif ukoll fuq bażi internazzjonali. Tenna li din ir-rebħa hija turija li l-poplu qed jifhem il-ħdima tal-Gvern.
Dr Abela qal li se jkun qiegħed jirreaġixxi għal dan il-vot b’aktar ħidma u impenn u umiltà. Stqarr li se jagħti ħajtu biex jibqa’ jagħti s-servizz lill-poplu Malti.
