Il-Kummissjonarju Elettorali Prinċipali Joseph Camilleri ppreżenta r-riżultati uffiċjali tal-elezzjoni ġenerali tas-Sibt li għadda lill-President tar-Repubblika George Vella.
L-għadd tal-voti f’din l-elezzjoni sar b’mod elettroniku li wassal biex il-proċess ikun aktar mgħaġġel.
L-elezzjoni ntrebħet mill-Partit Laburista li kiseb 162,707 voti (55.1%) filwaqt li l-Partit Nazzjonalista kiseb 123,233 vot (41.7%). Id-distakk bejn il-partiti hu ta’ 39,474 vot.
