Il-President ta’ Franza, Emmanuel Macron, qed ħeġġeġ lill-FA Franċiża biex iġġedded il-kuntratt tal-coach, Didier Deschamps, wara li ggwida lill-pajjiż għat-tieni finali konsekuttiva tat-Tazza tad-Dinja.
Il-kuntratt attwali ta’ Deschamps, iffirmat fl-2019, jintemm proprju nhar il-Ħadd li ġej.
L-eks captain ta’ Franza huwa wieħed mill-ftit persuni fl-istorja li rebaħ it-Tazza tad-Dinja kemm bħala player kif ukoll bħala manager, filwaqt li l-Ħadd jista’ jsir l-ewwel coach li jirbaħ dan it-titlu għat-tieni darba nfila mindu Vittorio Pozzo mexxa lill-Italja għal dan is-suċċess, fl-1934 u fl-1938
Deschamps mexxa wkoll lil Franza għall-finali tal-Euro 2016 kif ukoll rebaħ l-aktar edizzjoni riċenti tal-UEFA Nations League fl-2021 biex saħħaħ ir-rekord personali tiegħu.
“Il-poplu tagħna jimmeritah ferħ sempliċi u pur … l-isport jipprovdi dan … u l-football b’mod partikolari,” qal il-President Macron wara r-rebħa fuq il-Marokk.
“Issa ninsab ħafna aħjar minn siegħa u nofs ilu. Kien hemm mumenti fejn batejna waqt il-partita iżda erġajna rajna team kbir.
“Grazzi kbira lill-coach tagħna, Didier Deschamps, u lil dan it-team li fil-fatt huwa taħlita ta’ diversi ġenerazzjonijiet.
“Deschamps, din hija t-tielet finali tiegħek. U ejja ħalli tirbaħ din it-tielet waħda … għax għandek talent kbir. Ejjew ħalli nerġgħu nġiba lura din it-Tazza … u bla dubju Deschamps irid jibqa’ fit-tmexxija. Dan it-team Franċiż jagħmilni kburi ħafna.”
Franza tiffaċċja lill-Arġentina fil-finali tat-Tazza tad-Dinja nhar il-Ħadd li ġej, li tirrappreżenta l-aħħar logħba li Lionel Messi, seba’ darbiet rebbieħ tal-Ballun tad-Deheb, ta’ din il-kompetizzjoni hekk dan huwa l-uniku unur li ma rebaħx fil-karriera tiegħu.
