Il-President ta’ Napoli, Aurelio De Laurentiis, saħaq li Victor Osimhen ma jinsabx għall-bejgħ minħabba li l-Partenopei ‘m’għandhomx djun’ u wissa lill-players tiegħu biex ma jagħmlux l-istess żball bħal Barcelona fil-konfront tagħhom taċ-Champions League ma’ Eintracht Frankfurt.
Osimhen huwa l-aħjar skorer tas-Serie A dan l-istaġun, b’16-il goal fi 17-il dehra, fosthom tnejn fl-aħħar partita kontra Spezia.
L-internazzjonali tan-Niġerja kien marbut ma’ ċaqliq lejn Chelsea jew Manchester United fis-sajf, iżda De Laurentiis wissa li ma jridx jinfired mill-attakkant stilla tiegħu.
“Victor mhuwiex għall-bejgħ, il-players tagħna huma f’domanda kbira, iżda ma aħna mġiegħla nbigħu lil ħadd, m’għandniex djun,” qal De Laurentiis.
Napoli tilfu biss żewġ logħbiet fil-kompetizzjonijiet kollha f’dan l-istaġun, u jinsabu fil-quċċata tal-klassifika tas-Serie A b’vantaġġ ta’ 13-il punt fuq Inter li jinsabu fit-tieni post u rebħu l-grupp taċ-Champions League tagħhom f’Diċembru … fuq Liverpool.
