Il-Prim Ministru Robert Abela ltaqa’ mal-plejer Maltija ta’ US Sassuolo, Haley Bugeja, fil-Berġa ta’ Kastilja. Il-Prim Ministru tenna li Bugeja qed tagħmel mhux biss isem għaliha, iżda anke isem għal pajjiżna fosthom bi prestazzjoni mill-aqwa fl-ewwel logħba mal-klabb Taljan tas-Serie A.
Il-Prim Ministru inkoraġġixxa liż-żagħżugħa Maltija sabiex tibqa’ taħdem qatigħ ħalli tkompli tasal għal aktar tragwardi fil-karriera tagħha kemm fuq livell ta’ klabb u anke fil-livell tat-tim nazzjonali Malti tan-nisa.
Dr Abela ppreżenta wkoll tifkira żgħira lil Haley Bugeja.
Il-Prim Ministru Robert Abela kien akkumpanjat mis-Segretarju Parlamentari għaż-Żgħażagħ, l-Isport u l-Volontarjat Clifton Grima.
