Il-Prim Ministru Kanadiż Mark Carney ħabbar elezzjoni ġenerali bikrija li mistennija ssir fit-28 ta’ April li ġej.
Kien fil-bidu ta’ dan ix-xahar li Carney ħa t-tmexxija tal-Partit Liberali minn idejn l-eks Prim Ministru Justin Trudeau. Carney qal li hu qiegħed isejjaħ elezzjoni ġenerali biex ikollu mandatt ċar tat-tmexxija, iżda wkoll minħabba l-problemi fir-relazzjonijiet li hemm mal-Istati Uniti wara li l-President Trump daħħal diversi taxxi fuq il-Kanada.
