Il-Pulizija fil-Belarus ingħataw l-awtorizzazzjoni biex jagħmlu użu ta’ forza letali fil-konfrint tad-dimostranti kontra l-Gvern f’każ li dan ikun neċessarju. Qal dan uffiċjal għoli għall-Gvern tal-pajjiż.
Huwa qal li din id-deċiżjoni ttieħdet b’rispons għal gruppi radikalizzati u vjolenti li jopponu lill-President Alexander Lukashenko.
Intant Ministri għall-Affarijiet Barranin Ewropej qalu li jinsabu lesti biex jimponu sanzjonijiet kontra l-istess Lukashenko.
Il-Belarus ilha kkaratterizzata minn dimostrazzjonijiet sa minn meta Lukashenko rebaħ l-elezzjoni li żvolġiet f’Awwissu, b’bosta jqisu din l-elezzjoni bħala li kienet ikkaratterizzata minn tbagħbis fil-voti.
L-awtoritajiet tal-pajjiż ġew akkużati bi brutalità u tortura fl-azzjonijiet li qed jittieħdu biex jiġu kkontrollati l-protesti tal-massa.
Ilbieraħ l-Ministru għall-Intern ikkonferma li l-pulizija kienu għamlu użu minn stun grenades u gass tad-dmugħ waqt rallu mhux awtorizzat fil-kapitali, Minsk. Għal din ir-rally attendew numru kbir ta’ pensjonanti.
