Il-Pulizija Irlandiża żiedet ir-rondi tagħha f’Dublin wara sparatura f’ristorant li seħħet f’lejlet il-Milied.
F’dan il-każ, inqatel ġuvni u raġel ieħor safa ferut b’mod gravi. Huwa mifhum li l-pulizija Irlandiża qed jinvestigaw jekk il-persuna li nqatlet kinitx parteċipi fl-attakk fi Browne’s Steakhouse.
B’reazzjoni għal dan l-inċident, ir-rondi bl-uniformi fir-reġjun ta’ Dublin, b’appoġġ minn rondi armati inkluż it-taqsima ta’ Garda, żdiedu notevolment.
Il-Pulizija appellat ukoll lill-pubbliku sabiex ma jiċċirkolawx filmati tax-xena tad-delitt, u biex ikunu konxji “tal-livell sinjifikanti ta’ spekulazzjoni u informazzjoni żbaljata”. Sa issa ma saru l-ebda arresti b’rabta ma’ dan il-każ.
