Il-Pulizija qiegħda tappella għall-attenzjoni tal-pubbliku rigward messaġġi qarrieqa li qed jintbagħtu permezz ta’ e-mail.
Dawn l-e-mails qarrieqa qed jintbagħtu f’isem il-Korp tal-Pulizija b’rabta ma’ investigazzjonijiet u/jew każijiet il-Qorti, u jitolbu li jsir kuntatt fuq indirizz elettroniku falz (eżempju: [email protected]). Dawn l-e-mails, li kopji tagħhom qed jidhru f’dan l-artiklu, mhuma xejn ħlief scams, issostni l-Pulizija.
Għaldaqstant, huma jappellaw sabiex dawn il-messaġġi jiġu injorati u mħassra immedjatament.
