Il-Pulizija għaddejja bi tfittxija għal ħalliel li aktar kmieni llum wettaq serqa minn ħanut tal-logħob li jinsab fi Triq il-Mosta, San Pawl il-Baħar.
Għall-ħabta tas-1.30pm il-Pulizija ġiet infurmata bil-każ u minnufih marret fuq il-post. Minn stħarriġ preliminari rriżulta li raġel mgħammad u allegatament armat b’sikkina, daħal fil-ħanut u talab il-flus lill-impjegat, Albaniż ta’ 36 sena.
L-allegat ħalliel ħarab minn fuq il-post wara li seraq ammont ta’ flus kontanti. L-impjegat ma ġarrabx ġrieħi.
Il-Maġistrat Dr Joseph Mifsud LL.D ġie infurmat bil-każ u ħatar inkjesta, filwaqt li l-investigazzjonijiet tal-Pulizija għadhom għaddejjin.
