Il-Formula Wieħed ikkonferma li l-Qatar se jospita l-Grand Prix inawgurali tiegħu fil-21 ta’ Novembru.
Iċ-Ċirkwit Internazzjonali Losail ta’ 3.4 mili f’Doha, il-Qatar, se jospita t-tellieqa minflok il-Grand Prix tal-Awstralja, li kien imneħħi minħabba restrizzjonijiet tal-ivvjaġġar tal-Covid.
Il-Qatar mhux se jkollu tellieqa fl-2022 minħabba li se jkun qed jospita t-Tazza tad-Dinja tal-football iżda se jibda ftehim ta’ 10 snin mill-2023 bil-għan li sa dakinhar ikun hemm korsa apposta.
Id-deċiżjoni li ssir tellieqa fil-Qatar wasslet għal ħafna kritika, madankollu, bl-Amnesty International tħeġġeġ lis-sewwieqa biex jitkellmu dwar kwistjonijiet tad-drittijiet tal-bniedem.
Kelliem għall-organizzazzjoni qal li: ‘Mhu l-ebda sigriet li pajjiżi sinjuri fil-Lvant Nofsani jaraw l-isport tal-ogħla livell bħala mezz biex jerġgħu jimmarkaw u jsaħħu l-immaġini tagħhom bl-isports, u Grand Prix fil-Qatar ikun aktar mill-istess.”
‘Wara li nefaq ammonti kbar ta’ flus fil-club ta’ Paris Saint-Germain u qabbad eluf ta’ ħaddiema barranin biex jibnu grounds għat-Tazza tad-Dinja tas-sena d-dieħla, il-Qatar huwa ċar li qed jipprova jbiddel lilu nnifsu f’superpotenza sportiva.”
