Minn Cristian Muscat
Kif bdiet l-imħabba tiegħek lejn il-futbol?
Min ta’ etá żgħira dejjem kont immur nara l-futbol mal-familja u minn hemm tħajjart biex nibda nipprattika l-futbol.
Iddeskrivi l-esperjenza preżenti tiegħek ma’ Kalkara United FC.
L-esperjenza preżenti tiegħi ma’ Kalkara United FC hija waħda pożittiva u qed tgħini biex nikber bħala plejer.
X’tikkummenta fuq l-andament tat-tim tiegħek matul dan l-istaġun sa issa?
Hemm skwadra b’saħħitha, magħquda u bl-istess viżjoni.
X’inhuma t-tragwardi tagħkom għal dan l-istaġun?
It-tragward tat-tim kien li nidħlu għall-play-offs u dan ġie milħuq. Issa ħa nibqgħu naħdmu u nieħdu kollox logħba logħba biex inġibu kemm nistgħu punti.
Kif tqis il-livell tal-futbol Malti fil-preżent, u kif rajtu jinbidel tul is-snin?
Nemmen li l-livell tal-futbol Malti qed jogħla kemm bħala plejers kif ukoll bħala kowċis.
U dak tar-riżorsi (grawnds) fejn titħarrġu u tilagħbu l-logħob kompetittiv tagħkom?
Qegħdin jitjiebu.
Kif qed tħares lejn il-futur tiegħek fil-futbol?
Iktar milli futur ngħidlek li l-viżjoni tiegħi hija ċara li nibqa’ naħdem biex nibqa’ ngħolli l-livell tiegħi.
Għaddi messaġġ finali lil min jixtieq jagħmel karriera ta’ suċċess fil-futbol.
Qatt m’għandek taqta’ qalbek u żżomm saqajk mal-art!
