Malta huwa l-aktar pajjiż fl-Unjoni Ewropea li ta bħala donazzjoni tilqim kontra l-Covid-19 per capita.
Filwaqt li ta din l-informazzjoni, id-Deputat Prim Ministru u Ministru għas-Saħħa Chris Fearne qal li jinsab kburi li huwa Malti.
Dan l-att ġie innutat mid-Direttur Reġjonali tal-Għaqda Dinjija tas-Saħħa Hans Kluge li faħħar lid-Deputat Prim Ministru Fearne. Kluge qal li aktar ma l-virus jibqa’ jiċċirkola, ir-riskju li jinbidel huwa akbar u jsir aktar b’saħħtu. Huwa ddeskriva t-tqassim tat-tilqim bħala etikament korrett u intelliġenti biex tingħata l-protezzjoni għal kemm jista’ jkun nies fl-iqsar żmien.
Bravo @chrisfearne : The more the virus circulates, the greater the risk that it can mutate and hit back stronger. It is both ethical and smart to share vaccine doses to extend protection to as many people as possible in the shortest time. We must vaccinate everyone most at risk! https://t.co/IF8NTyq0Xu
— Hans Kluge (@hans_kluge) October 20, 2021
