Illejla fuq l-istazzjon nazzjonali tax-xandir, waqt il-programm Xow li jixxandar mid-9pm bi preżentazzjoni ta’ Ron Briffa se jitwassal l-aħħar grupp ta’ disa’ kanzunetti minn fost is-36 kanzunetta semifinalista għall-Malta Eurovision Song Contest 2024.
Il-kanzunetti se jiġu interpretati live fl-istudjo u r-riżultat se jkun determinat mill-ġurija u mill-pubbliku. Tnax mis-36 semifinalista se jkunu qed jgħaddu għall-finali.
Min jirbaħ se jingħata d-dritt li jirrappreżenta lil Malta fit-68 edizzjoni tal-Eurovision Song Contest li se jsir f’Malmö fl-Isvezja fis-7, fid-9 u fil-11 ta’ Mejju tal-2024.
Fil-programm tal-lejla jieħdu sehem ukoll Claudia Faniello, Philip Vella, u Brass House Unit
Id-disa’ kanzunetti, artisti u n-numru tal-votazzjoni abbinati mal-programm tal-lejla huma kif ġej:
- Sirena – Erba’ – Numru biex tivvota: 50615328
- Venom – Miriana Conte – Numru biex tivvota: 50615329
- Bellus – Christian Arding – Numru biex tivvota: 50615330
- Breathe – Lisa Gauci – Numru biex tivvota: 50615331
- Banana – Matt Blxck – Numru biex tivvota: 50615332
- Miles Away – Martina Cutajar – Numru biex tivvota: 50615333
- Topic – Greta Tude – Numru biex tivvota: 50615334
- Karma – Ryan Hili – Numru biex tivvota: 50615335
- Arrows – Kyle George – Numru biex tivvota: 5061536
