“Imaġinaw kieku dawk ir-ritratti li tibgħat lil sħabek tkun komdu taqsamhom ma’ kull min jarak fuq is-socials. Immaġinaw kieku aħna daqsek komdi li nuru l-vulnerabbiltà tagħna ma’ Malta kollha. Imaġinaw kieku aħna kollha nkunu daqshekk b’saħħitna li nuru l-ikraħ ġranet tagħna. L-aktar ġranet li nkunu burdata ħażina u l-aktar ġranet anzjużi”
Dan kien il-messaġġ li wasslet l-influencer Danita Camilleri, fejn irrimarkat kemm kienet tkun isbaħ id-dinja, kieku dawn ir-ritratti nitfawom fuq is-socials tagħna u ħadd ma jiġudikak.
Qalet ukoll; “Immaġinaw kieku kemm tkun dinja isbaħ kieku int komdu titfa l-għar-ritratti tiegħek fuq is-socials u tiġi għalabiebek minn dak li qiegħed jgħid ħaddieħor”.
Fil-messaġġ tagħha hija semmiet lil parteċipanti kollha ta’ Big Brother. Hija qalet li; “aħna li qegħdin narawh, qed naraw l-vulnerabilità, l-fittaġni, t-talenti, l-antipatiji, z-zekzik, it-tnaqqir, il-paroli vojt, aħna qegħdin naraw l-eżistenza ġurnata wara oħra ta dawn il-bnedmin”.
Kien hawn fejn staqsiet; “Int ma tkunx fitt? Int ma zzekzikx? Int ma tikkmandax kultant? Int ma tgħidx b’nies? Int ma titgħażżinx? Int ma tiekolx żejjed? Int ma tiġġudikax? Int qatt ma għajjart? Int perfett? “
