Xufier u żagħżugħ li dehru jinstaqu fuq saqaf ta’ karozza tal-kiri f’pajjiżna, ġew immultati mill-pulizija wara li l-istess pulizija bdew investigazzjoni dwar filmat li beda jdur online.
Il-Pulizija kkonfermat li wara ftit ħin li xxerred il-filmat bdiet ħidma biex jiġu ddentifikati l-persuni u sar magħruf li huma t-tnejn mill-Belġju.
Huma ġew mitkellma mill-Pulizija u anke nħarġu multi fil-konfront tagħhom li tħallsu immedjatament.
Aktar minn hekk, lix-xufier sarlu wkoll breathalyser test u ma kienx pożittiv għall-alkoħol. Il-karozza ma baqgħetx għall-użu tagħhom, wara li din ittieħdet lura mill-kumpanija tal-kiri.