Raġel ta’ 30 sena residenti Birkirkara miet wara li lbieraħ li għadda waqa’ minn għoli mill-Ġnien ta’ Hastings.
Il-Pulizija qalet li kien għall-ħabta tas-6.15 p.m. meta ġiet infurmata li ntlemħet persuna mal-art fil-foss ta’ San Ġakbu.
Tim mediku ssejjaħ fuq il-post iżda sfortunatament ġie iċċertifikat mejjet.
Bil-każ ġiet infurmata l-Maġistrat tal-Għassa Dr Elaine Mercieca filwaqt li l-investigazzjonijiet tal-Pulizija għadhom għaddejjin.
