Raġel ta’ 76 sena tilef ħajtu f’inċident li seħħ ilbierah waranofsinhar f’Ħal Qormi, waqt li flistess inċident indarab ukoll raġel ta’ 41 sena. Kienu għall-ħabta tal-5:30 p.m., meta ntalbet l-assistenza fi Triq ta’ Farzina, meta
waqa’ parti minn ħajt ta’ proprjetà privata.
Mill-investigazzjonijiet li saru rriżulta li ż-żewġt irġiel – missier u iben – kienu qed jagħmlu xogħol fil-proprjetà tagħhom meta sfronda parti minn ħajt li jagħti għal garaxx u ġie fuqhom.
Fuq il-post marru l-pulizija, flimkien mal-membri mid-Dipartiment tal-Protezzjoni Ċivili, kif ukoll tim mediku mill-Isptar Mater Dei.
Waqt li r-raġel ta’ 41 sena nħareġ u ttieħed l-isptar fejn aktar tard ġie ċċertifikat li sofra ġrieħi gravi, sfortunatament l-anzjan tilef ħajtu fuq il-post kawża tal-ġebel li waqgħu fuqu.
Il-Maġistrat Dr Philip Galea Farrugia LLD qed imexxi inkjesta, waqt li l-investigazzjonijiet millPulizija, flimkien mal-Awtorità għas-Saħħa u s-Sigurtà fuq il-Post tax-Xogħol u mill-Awtorità tal-Bini u l-Kostruzzjoni għadhom għaddejjin.