Il-Pulizija qiegħda tinvestiga l-mewt ta’ Indjan ta’ 28 sena, residenti San Ġwann, li nstab fittriq quddiem blokka ta’ appartamenti fejn jgħix.
Kienu għall-ħabta ta’ 11:45 p.m., x’ħin il-Pulizija ġew infurmati li hemm bżonn l-assistenza fi Triq Sant’Antnin, San Ġwann.
Minn investigazzjonijiet preliminari rriżulta li l-vittma seta’ waqa’ minn għoli.
Bil-każ kien infurmat il-Maġistrat Dr Philip Galea Farrugia LL.D li ħatar inkjesta.
L-investigazzjonijiet tal-Pulizija għadhom għaddejjin.