“Inħossni tajba ħafna… mhux ir-riżultat li stennejna imma għamilt dak kollu li stajt”. Din kienet l-ewwel reazzjoni tal-kantanta Maltija Emma Muscat wara r-riżultat tas-semifinali tal-bieraħ.
Il-kantanta qalet li issa se tkun qiegħda tibda kapitlu ġdid f’ħajjitha hekk kif illum stess nediet l-album il-ġdid tagħha ‘I am Emma’.
Filwaqt li rringrazzjat lill-kontinġent Malti kollu, lill-qraba u dawk kollha li kienu warajha f’dan il-vjaġġ, il-kantanta dehret ottimista għal dak li hemm jistenniha fil-futur.
