Hekk kif ħafna qegħdin jilmentaw li madwar il-pajjiż hawn ħafna skart, fost l-oħrajn minħabba t-tibdil fl-iskeda tal-ġbir li sar fl-aħħar xhur, Ramon Deguara, id-Direttur Ġenerali ta’ Clean Malta xerred żewġ ritratti fuq il-profil tiegħu fejn f’wieħed minnhom jidher qażquż f’borża sewda fit-toroq tal-Belt Valletta.
Deguara jgħid b’mod sarkastiku li “naħseb li dan jiġi tort tal-ħaddiema li jnaddfu t-toroq u ta’ dawk li jiġbru l-iskart hux hekk?”
“Inkredibbli”
Dan is-sit ifakkar li f’każ li jmutu annimali fid-djar dawn għandhom dejjem jittieħdu fil-Faċilità tal-WasteServ magħrufa aħjar bħala TTF li tinsab qrib il-biċċerija fil-Marsa.
Din tkun miftuħa 24 siegħa kuljum għal dawk li jkunu jridu jiddisponu minn pets mejta u ma hemm l-ebda ħlas għal dan is-servizz.
