Ħafna kritiċi tal-football Taljan qed jitkellmu fuq il-kriżi li għaddejjin minn Inter speċjalment wara t-telfa qarsa li kellhom kontra Roma fi tmiem din il-ġimgħa.
Ħafna qed isostnu li n-nuqqas tal-attakkant Belġjan Romelu Lukaku qed jinħass mhux ftit b’Edin Dzeko u Joaquim Correa li mhux qed ikunu kapaċi jiskorjaw il-gowl u b’Lautaro Martinez li mingħajr Big Rom kif inhu msejjaħ mhux qed ikun effettiv.
Id-differenza tal-goals lanqas m’hi daqshekk tajba għal Inter hekk kif minkejja li skorjaw 14-il goal, qalgħu 13.
