Deħlin f’ġimgħa li fiha se nikkonsultaw dwar il-White Rocks… partikolarment mat-tfal, għaliex għiduli ma’ min jekk mhux mat-tfal li se jgawdu dan l-ispazji magħkom il-ġenituri u n-nanniet f’Malta isbaħ?
Hija ġimgħa li se ntellqu fiha l-ewwel konsultazzjoni mat-tfal. Il-Ministru Miriam Dalli u jien se mmorru l-White Rocks u nisimgħu mit-tfal dwar kif huma jemmnu li għandna nfasslu dan il-park nazzjonali flimkien.Manoel Island u l-White Rocks – parks ġodda li bejniethom daqs il-Belt Valletta sħiħa.
Magħhom se nagħtu wkoll Forti Campbell lill-poplu sabiex anke fit-Tramnutana tal-pajjiż noħolqu minnu park nazzjonali mill-isbaħ.
Qed nagħmlu ħafna fejn jidħol is-suġġett ambjentali u se nibqgħu nagħmlu aktar.
