Raġel ta’ 46 sena mill-Maċedonja ta’ Fuq inżamm arrestat wara li tressaq il-Qorti mixli b’akkużi relatati ma’ vjolenza domestika fuq mara li kien ilu magħha ftit jiem.
Il-Prosekuzzjoni qalet li l-allegat każ seħħ fil-15 ta’ Mejju li għadda ħdejn l-Isptar San Filippu, u akkużat ukoll lil Darko Tomeski li hedded u weġġa’ gravi lill-mara.
Skont rapporti li saru kollox beda meta r-raġel ra lill-mara tkellem raġel ieħor u kien hawn li allegatament taha xebgħa fejn ikkaġunalha diversi ksur.
Fil-Qorti ħareġ li l-allegata vittma ma kinitx taf ħafna informazzjoni fuq l-akkużat, u kien wara li lemħitu s-Sibt fl-Imsida li infurmat il-Pulizija u arrestawh.
Filwaqt li wieġeb mhux ħati Tomeski wieġeb mhux ħati tal-akkużi miġjuba kontrih, id-difiża f’dan l-istadju ma għamlitx talba għall-ħelsien mill-arrest.
