Hekk kif il-gżejjer Maltin jinsab maħkumin minn riħ qawwi, jidher li fil-ħin li ġej dan se jkompli jitqawwa fejn anke jilħaq qawwa ta’ riefnu.
Bħalissa r-riħ qiegħed Forza 7 mill-Majjistral, iżda għall-ħabta tal-11.00am dan mistenni li jkun ukoll Forza 7 iżda b’buffuri ta’ Forza 8.
Wara nofsinhar għall-ħabta tas-2.00pm, ir-riħ ikun qed jonfoħ fuq il-gżejjer Maltin b’qawwa ta’ riefnu fejn jilħaq Forza 8 mill-Majjistral.
Aktar tard illejla imbgħad mis-7.00pm ‘il quddiem ir-riħ idur Punent Majjistru u jkun Forza 7 b’buffuri ta’ Forza 8.
Intant, is-sit Aġġornament tat-Temp qed ibassar li għada l-Ħadd it-temp mistenni jkun ftit imsaħħab b’ruħ qawwi tul il-lejl li jkun Forza 7 mill-Majjistrall li jinżel forza 6 mas-sebħ. Hawn ir-riħ idur Grigal forza 4 wara nofsinhar li jsir ħafif sa filgħaxija forza 3 għal 2 mil-Lvant. L-ogħla temperatura għada tkun 16°C u l-inqas 12°C.
