Id-Deputat Prim Ministru Ukrena qalet li r-Russja qiegħda tattakka lill-Ukreni fl-isptarijiet, fin-nurseries u anke fl-iskejjel.
Olha Stefanishyna qalet li wara “reżistenza b’saħħitha” mill-armata Ukrena, ir-Russja wettqet “operazzjoni enormi” kontra ċ-ċittadini.
Hija akkużat lir-Russi bi “pjan terroristiku”, b’attakki li ġejjin mill-ajru kif ukoll mill-art.
L-Organizzazzjoni tas-Saħħa Dinjija qalet li l-faċilitajiet tas-saħħa sfaw fil-mira ta’ attakki li fihom indarbu u mietu diversi persuni.
Il-Gvern Ingliż ukoll qiegħed jakkuża lir-Russja li qiegħda tixħet il-mira tagħha fuq żoni popolati f’diversi lokazzjonijiet.
