Diversi siti tal-midja internazzjonali ħabbru li l-l-Prim Ministru tar-Renju Unit Keir Starmer se jħabbar ir-riżenja tiegħu llum. B’hekk huwa se jkun qiegħed iwitti t-triq għal Andy Burnham biex isir Prim Ministru.
Ministri tal-kabinett jgħidu li Starmer se jesponi l-intenzjonijiet tiegħu barra n-Numru 10 Downing Street, u b’hekk jibda proċess biex ir-Renju Unit jaħtar is-seba’ Prim Ministru f’għaxar snin.
Uffiċjali għadhom qed jinsistu li Starmer żamm mal-wegħda tiegħu nhar il-Ġimgħa li ġġieled sfida antiċipata ta’ tmexxija minn Burnham, li rritorna Westminster permezz ta’ rebħa kbira fl-elezzjoni parzjali ta’ Makerfield.
Filwaqt li għażliet oħra baqgħu miftuħa, Starmer u ċ-ċirku tiegħu bdew jaħdmu fuq abbozzi ta’ diskors ta’ riżenja nhar is-Sibt. L-iskeda l-aktar probabbli tinvolvi li jibqa’ fil-kariga sal-ħarifa u b’hekk jippermetti lil mexxej ġdid jiġbor it-truppi Laburisti fil-konferenza annwali tal-partit fl-aħħar ta’ Settembru.
Huwa mifhum li jista’ jagħmel dan mingħajr ma jkollu diskussjoni ma’ Burnham dwar il-pjan tiegħu mir-riżultat ta’ Makerfield.