Il-mandat ta’ sekwestru fil-konfront ta’ Jason Silvio ġie irtirat. Hekk ħabbar il-Prim Ministru Robert Abela fi żvilupp li kien hemm dwar l-każ tas-Sindku ta’ Raħal Ġdid li kien spiċċa b’sekwestru.
“Naf kemm żvilupp bħal dan ifisser għal Jason u għall-familja tiegħu. Issa jista’ jkompli bil-ħidma tiegħu bħala Sindku ta’ Raħal Ġdid b’aktar serħan il-moħħ, filwaqt li se nipproteġuh fil-kawża pendenti. Gvern immexxi minni se jibqa’ jkun ta’ sostenn u jagħti s-serħan il-moħħ lil min jaqdi funzjoni pubblika fl-aħjar interess tal-pajjiż u l-komunitajiet tiegħu.
“Kompli aħdem għall-ġid tar-residenti Jason,” temm jikteb il-Prim Ministru Robert Abela.