Raġel ta’ 45 sena, Sergio Di Vanni, ġie kkundannat għal seba’ snin u nofs ħabs talli hedded li joqtol lil Pia, it-tifla tal-eks player ta’ Manchester United, Angel Di Maria.
Fl-2024, l-Arġentin irċieva theddid wara li ħabbar il-pjani tiegħu li jirritorna ma’ Rosario Central, il-club li trabba fih. Di Vanni, partitarju ta’ Newell’s Old Boys, ħalla ras ta’ ħanżir b’balla f’moħħu quddiem aġenzija tal-proprjetà ta’ oħt Di Maria, flimkien ma’ nota ta’ theddid.
Mara ta’ 25 sena ngħatat tliet snin ħabs f’Ġunju għall-istess reat, filwaqt li t-tielet suspettat għadu ma nqabadx.
Di Maria eventwalment irritorna ma’ Rosario Central u għen lill-club jirbaħ il-kampjonat Arġentin.
