It-tim nazzjonali Malti tal-badminton jinsab il-Gżejjer Faroe għall-Kampjonat tat-Timijiet tal-Istati ż-Żgħar tal-Ewropa tal-2026, li se jsir mit-30 ta’ Ottubru sal-1 ta’ Novembru.
Id-delegazzjoni Maltija se tikkompeti kontra nazzjonijiet Ewropej żgħar oħra, bl-għan li toffri prestazzjonijiet b’saħħithom u tirrappreżenta lil Malta fix-xena internazzjonali.
It-tim huwa akkumpanjat mill-Kowċ Matthew Haynes u l-Umpire Samuel Stanislaus.
