Is-Sibt se tintlagħab partita ta’ ħbiberija internazzjonali bejn it-tim Malti tal-Veterani kontra Sao Paulo tal-Brażil. Din il-partita se tintlagħab fil-Luxol Stadium u tibda fil-5.00 pm.
It-tim Malti, immexxi mill-kowċ Joe Micallef, se jinkludi diversi ismijiet familjari li lagħbu fis-snin tmenin u disgħin fosthom Ernest Barry, John Buttigieg, Carmel Busuttil, Claude Mattocks, Stefan Sultana u Michael Degiorgio.
Sao Paulo se jinkludu plejers li għandhom aktar minn 50 sena u li ftit li xejn huma magħrufa għalkemm għandhom elementi ferm tajbin fl-iskwadra.
Din il-logħba setgħet tkun possibbli wara kollaborazzjoni bejn it-Torcida Brasileira Malta mmexxija mill-president Kris Dimech u l-Malta Veterans Association li bħala president għandha lil Malcolm Camilleri. Wara diversi laqgħat, dan l-avveniment ġie kkonfermat bir-rebbieħ tal-logħba jirbaħ it-Torcida Brasileira Malta Cup.
Sadanittant l-iskwadra magħżula mill-kowċ Joe Micallef hi din:
Goalkeepers: Ernest Barry, Mario Muscat.
Difensuri: John Buttigieg, Brian Said, Edwin Camilleri, Carlo Mamo, Massimo Schembri, Mark Micallef, Eric Saliba.
Midfielders: Michael Degiorgio, Jeffrey Chetcuti, Jamie Pace, Gareth Sciberras, Franco Degabriele, Dino Cachia, Claude Mattocks.
Attakkanti: Carmel Busuttil, Stefan Sultana, Trevor Cilia.
