Raġel sofra ġrieħi serji wara li għall-ħabta ta’ nofsinhar kien invlut f’inċident li seħħ fi Triq Rodolfu f’Tas-Sliema.
Minn stħarriġ illi sar irriżulta li raġel ta’ 42 sena u residenti l-Imqabba, kien qiegħed jaħdem f’binja fl-imsemmija triq meta waqa’ minn fuq sellum, madwar sular għoli.
Fil-post issejħet ambulanza u tim mediku li assista lir-raġel sakemm seta’ jittieħed lejn l-Isptar Mater Dei għal aktar kura.
L-investigazzjonijiet tal-Pulizija għadhom għaddejjin.
