Wara t-telfa ta’ 4-0 kontra Brentford, Manchester United inqabdu f’paniku biex jiksbu akkwisti ġodda biex isaħħu l-iskwadra hekk kif fadal sal-31 ta’ dan ix-xahar biex jintemm is-suq tat-trasferimenti.
L-aħħar player li qed jissemma’ li r-Red Devils xeħtu l-attenzjoni fuqu huwa ta’ Leicester City, Jamie Vardy.
Huma għandhom lista ta’ players li jixtiequ jingaġġaw imma l-problema hija li minħabba l-fatt li mhux se jilagħbu fil-UEFA Champions League, hija diffiċli biex jattiraw lil players.
