Issa xorta tista’ titbewwes għalkemm ‘il bogħod minn xulxin

Illum li tkun f’relazzjoni u ż-żewġ persuni jkunu jgħixu f’pajjiż differenti saret xi ħaġa komuni. Għalhekk grupp ta’ studenti Ċiniżi ħolqu dik li qed isejħulha “remote kissing”.

Is-sistema taħdem li l-koppja jkunu qegħdin jitbewsu ma’ gadget li għandu forma ta’ xuftejn u fl-istess waqt in-naħa l-oħra li tista’ tkun eluf ta’ mili ‘l bogħod tista’ tħoss il-bewsa tal-maħbub jew maħbuha tagħha.

Aktar minn hekk dan il-gadget mhux biss iħoss il-moviment tax-xuftejn, pero jħoss ukoll it-temperatura u anke kemm tkun qed tagħmel pressjoni l-persuni fuq ix-xuftejn tas-silicone fejn in-naħa l-oħra tħoss l-istess effetti.

Jiang Zhongli, wieħed mill-persuni li vvintaw dan kollu qal li hu kien qiegħed f’relazzjoni li l-għarusa tiegħu kienet tgħix ferm ‘il bogħod minnu. Għalhekk kienu jitkellmu biss permezz tal-mobile u qatt ma setgħu jitbewsu.

Hu sostna li minn hemm ħarġet l-idea biex jiġi żviluppat dan kollu biex tal-inqas għalkemm qed tgħix ‘il bogħod mill-maħbub jew maħbuba tiegħek xorta tkun tista’ titbewwes.

Fl-2016 waqt wirja tat-teknoloġija kienet ħareġ xi ħaġa simili, pero din tal-aħħar hija ferm aktar avanzata.