Temp iktar sħun u xemxi mistenni jasal fuq il-Gżejjer Maltin fil-jiem li ġejjin, hekk kif jiem il-biċċa l-kbira xemxin fl-aħħar ta’ Diċembru se jwasslu għal jum xemxi u bla xita fl-Ewwel tas-Sena.
L-ewwel jum tal-2022 mistenni jkun wieħed mill-iktar sħan għall-Gżejjer Maltin, hekk kif l-ogħla temperatura ta’ 20°C mistennija tintlaħaq nhar is-Sibt. L-iktar bidu sħun għal sena ġdida ġie rreġistrat fl-1 ta’ Jannar 1985, meta ntlaħqet temperatura massima ta’ 20.2°C, li hija viċin ta’ dik imbassra għas-Sibt li ġej.
Madankollu, il-bqija tal-ġimgħa se tkun ikkaratterizzata minn temperaturi iktar baxxi, b’temperaturi għoljin li jilħqu 18°C u 17°C fil-31 ta’ Diċembru u fit-2 ta’ Jannar rispettivament. Filwaqt li bejn il-Ġimgħa u l-Ħadd, it-temperaturi mistennija jinżlu sa 11°C jew 12°C, il-Ħadd mistenni jkun l-iktar jum kiesaħ.
Ir-riħ pjuttost qawwi li qed jaffettwa lill-Gżejjer Maltin bħalissa se jbatti b’mod gradwali matul il-jiem li ġejjin. Riħ ta’ Forza 3 mit-Tramuntana se jsir mill-Majjistral it-Tramuntana għada, qabel ma jerġa’ jitqawwa biex jilħaq Forza 4 sa 5 nhar is-Sibt. Nhar il-Ħadd, riħ iktar kalm ta’ Forza 2 sa 3 mistenni jonfoħ mill-Punent Majjistru, u jsir varjabbli sa filgħaxija.
Għal aktar aġġornamenti tat-temp, nistednuk iżżur www.maltairport.com/rapport-tat-temp jew issegwi l-paġna @maltametoffice fuq Instagram.
