Minn Cristian Muscat
Kif bdiet l-imħabba tiegħek lejn il-futbol?
L-imħabba għall-futbol tista’ tgħid titwieled biha. Konna nilagħbu fit-triq, fl-għelieqi ta’ ħdejna, il-MUSEUM … tista’ tgħid kont nidħol id-dar biex niekol għax dak iż-żmien fin-nursery tal-Mosta Under 14 u Under 16, kien hemm. Illum tfal għandhom kollox, il-ħajja nbidlet, Ta’ 13-il sena kont mal-Mosta Scouts nilagħbu logħba kontra scouts oħrajn u ġie fuqi Victor Vella iktar magġrug bħala ‘l-balla’ u saqsieni kemm kelli żmien u minn hemm bdejt fil-futbol kompetittiv. Kont immur bir-rota u nerġa’ lura … karozzi fit-toroq ma tantx kien hawn, mhux bħal-lum!
Iddeskrivi r-rwol tieghek bħala kowċ ta’ Vittoriosa Stars FC.
Ma’ Vittoriosa Stars hemm sitt persuni li dejjem se ssibhom warajk speċjalment il-president u t-team manager. Aħna qegħdin grupp ta’ staff tekniku tajjeb ħafna – Philip Joe Cauchi jieħu ħsieb l-aspett fiżiku, Bruce Debattista jieħu ħsieb il-goalkeepers u jien nipprepara tattikament lit-tim għal-logħba. Li nista’ ngħid hu li għoġobni ħafna l-ambjent ta’ nies li jaħdmu ħafna u għandhom l-istess tragward li għandi jien … ambjent fejn isir taħriġ tista’ tgħid li ma jonqosna xejn. Ninsab kuntent ħafna u nispera li nilħqu t-tragward tagħna.
X’inhuma t-tragwardi tagħkom bħala klabb għal dan l-istaġun?
It-tragward tagħna bħala Vittoriosa Stars FC huwa dak li nispiċċaw ‘il fuq kemm jista’ jkun u mal-ewwel sitt timijiet … jien bħala kowċ dejjem naħseb fuq is-suċċess … suċċess tfisser promozzjoni imma l-importanti li dejjem tipprova tirbaħ il-logħba li tkun ġejja.
Kif qed tħares lejn il-futur tiegħek fil-futbol?
Għadni kif ġibt il-liċenzja UEFA ‘A’ tal-kowċing, fejn inħossni li kbirt u tgħallimt ħafna permezz ta’ dan il-kors. Nispera li fil-futur inkompli nikkowċja ma’ Vittoriosa Stars għal aktar staġuni, u li xi darba nkun il-kowċ ta’ raħal twelidi, Mosta FC, minn fejn tlaqt bħala plejer, u għamilt xejn inqas minn 17-il sena kowċ fin-nursery tagħhom.
Għaddi messaġġ finali lill-partitarji kollha ta’ Vittoriosa Stars.
Messaġġ lill-partitarji, żgur li f’kull tim li hawn f’Malta il partitarji jibdew ġejjin il- grawnd skont ir-riżultati. F’ismi u f’isem il-plejers ngħidilhom biex ikunu magħna sa mill-ewwel logħba li jmiss.